බඹර පහසින්
තැලී පොඩි වුන
පැහැය කෙලසුන
සුවද මල ඔබ...
අනුන් රොන් ගත්
මලට පෙම් බැඳ
සිතින් හඩනා
සමනලයා මම...
.
Tuesday, August 17, 2010
ඔබ සහ මම
බඹර පහසින්
තැලී පොඩි වුන
පැහැය කෙලසුන
සුවද මල ඔබ...
අනුන් රොන් ගත්
මලට පෙම් බැඳ
සිතින් හඩනා
සමනලයා මම...
.
Sunday, August 15, 2010
එද සහ අද
එදා:
ධර්ම ප්‍රචාරයට සහය ඕනි
මහ රජතුමනි...
එහෙයි අපෙ හාමුදුරුවනේ
අද:
ඡන්ද වැඩට සහය ඕනි
හාමුදුරුවනේ...
එහෙයි අපෙ ඇමති තුමනි...
Friday, August 13, 2010
Tuesday, August 10, 2010
වෙනකුට අයිති මල....
අන් අයට අයිතී
වෙනත් ඉඩමක සුපිපි
පාට යහමින් පැතිරි
ඇති සුවඳ මලකි
ඔබෙ සුවද මන් බදිති
අන් අයද මත් කරති
අයිති කරු එය නොරිසි
ඔබ තලා පොඩි කරති
ලබා ගත නොහැකි
මුල් බදා අති හෙයිනි
කඩා ගත නොහැකි
පරව යන හෙයින් වියැකි
යන සුවඳ පැතිරී
වළකා ගනු මා මිතුරී
මත් නොකර නොරිසි
අය ඔබේ මන රුවිනී
තව තවත් මා මිතුරී
යෙහෙ ගුණෙන් වැඩි වැඩිනී
යෙහෙන් කල් වැජබී
තුටු කරන් හිමි රදුන් තුටිනී
මතු දිනක සුපිපී
මට අයිති ලෙසිනී
මා දිවිය සොදිනී
තුටු කරන් මල් රැජිනී
ලිව්වේ - 2010 / 7/ 16
Friday, August 6, 2010
සරසවි ගීතය
මා පුතා හොඳ පුතා
රටක් වටිනා පුතා
සරසවියට ගොස් මෙදා
දිනයි ලෝකය සදා
මව් දකින ඒ සිහින
සඵල කර ගනු කෙලෙස
පල් වෙවී ගඳ ගහන
අධ්‍යාපනයක මහිම
පටන් ගත් දා සිටම
එකම දේ උගන්වන
ප්‍රායොගික පරීක්ෂන
එපා වී ඇත බොහොම
පන්තියට ආ පසුව
පොතේ ඇති හැම දෙයම
නැවත කියවා යනෙනෙ
දේශකයින්ගේ අපුල
පොත් වලම ගැටෙමින්
සිව් වසක් ගත කරන
සිනහවක් මුව නොමැති
සිසු කැලක ප්‍රතිභාව
හෙට ලොවට වැඩක් නැති
නෝට් පිටු පුරවාන
උපාදිත් ගෞරව සමග
පිටව යන යෞවනය
මෙයින් පිටවූ කලට
බෝඩ් ලැලි අතින් ගෙන
පාරටම නාකි වන
ලකේ බුද්දි ආකරය
මේ සියලු දකින මම
කෙලෙස ලොව දිනන්නද
ඔබෙ සිහින බොලද බව
කෙලෙස මා කියන්නද
ලියවුනේ - 2009/10/23
ප:ලි:
මෙම ඉහත දැක්වෙන චායාරූපය හා මෙම පද පෙල අතර කිසිම ආකාරයක සම්බන්දයක් නොමැති බව කාරුනිකව සලකන්න.
චායාරූපය උපුටා ගත්තේ : http://www.wsws.org/images/2009jul/j17-sril-480.jpg
