සින්නෝ සහ ජුන්නෝ

පලමු මස හදුනගෙන
දෙවන මස සිනහවී තෙදොල් වන
තෙවන මස සිටන්
සිව් වසක් යන තුරුම
නොහදුනන්නන් ලෙස සිටින
අපේ ජූනිය(ර්)ස්ලා

05/2010 

මංගල රෑ

දාඩියෙන් තෙත් වෙච්ච
රැලි වැටුන
සුදු රෙද්ද
උදේ එලි වන විටත්
කිසිත් පැල්ලම් නැතිව


සුදට තිබ්බා වු හිතේ
කහට පැල්ලම් පිරී
කිලිටි වී
කලු ගැසී

ඔබ සහ මම

             
බඹර පහසින් 
තැලී පොඩි වුන
පැහැය කෙලසුන 
සුවද මල ඔබ...


අනුන් රොන් ගත්
මලට පෙම් බැඳ
සිතින් හඩනා
සමනලයා මම...

. 

එද සහ අද

 එදා:

ධර්ම ප්‍රචාරයට සහය ඕනි 
 
මහ රජතුමනි...

එහෙයි අපෙ හාමුදුරුවනේ


අද:

ඡන්ද වැඩට සහය ඕනි 

හාමුදුරුවනේ...

එහෙයි අපෙ ඇමති තුමනි...

ලැජ්ජාව

ලැජ්ජා නැද්ද මෙයා,

ණයට බඩු ගන්න

Credit Card

තියෙද්දි...

වෙනකුට අයිති මල....

අන් අයට අයිතී

වෙනත් ඉඩමක සුපිපි

පාට යහමින් පැතිරි

ඇති සුවඳ මලකි

ඔබෙ සුවද මන් බදිති

අන් අයද මත් කරති

අයිති කරු එය නොරිසි

ඔබ තලා පොඩි කරති

ලබා ගත නොහැකි

මුල් බදා අති හෙයිනි

කඩා ගත නොහැකි

පරව යන හෙයින් වියැකි

යන සුවඳ පැතිරී

වළකා ගනු මා මිතුරී

මත් නොකර නොරිසි

අය ඔබේ මන රුවිනී

තව තවත් මා මිතුරී

යෙහෙ ගුණෙන් වැඩි වැඩිනී

යෙහෙන් කල් වැජබී

තුටු කරන් හිමි රදුන් තුටිනී

මතු දිනක සුපිපී

මට අයිති ලෙසිනී

මා දිවිය සොදිනී

තුටු කරන් මල් රැජිනී

ලිව්වේ - 2010 / 7/ 16

සරසවි ගීතය

මා පුතා හොඳ පුතා

රටක් වටිනා පුතා

සරසවියට ගොස් මෙදා

දිනයි ලෝකය සදා

මව් දකින ඒ සිහින

සඵල කර ගනු කෙලෙස

පල් වෙවී ගඳ ගහන

අධ්‍යාපනයක මහිම

පටන් ගත් දා සිටම

එකම දේ උගන්වන

ප්‍රායොගික පරීක්ෂන

එපා වී ඇත බොහොම

පන්තියට ආ පසුව

පොතේ ඇති හැම දෙයම

නැවත කියවා යනෙනෙ

දේශකයින්ගේ අපුල

පොත් වලම ගැටෙමින්

සිව් වසක් ගත කරන

සිනහවක් මුව නොමැති

සිසු කැලක ප්‍රතිභාව

හෙට ලොවට වැඩක් නැති

නෝට් පිටු පුරවාන

උපාදිත් ගෞරව සමග

පිටව යන යෞවනය

මෙයින් පිටවූ කලට

බෝඩ් ලැලි අතින් ගෙන

පාරටම නාකි වන

ලකේ බුද්දි ආකරය

මේ සියලු දකින මම

කෙලෙස ලොව දිනන්නද

ඔබෙ සිහින බොලද බව

කෙලෙස මා කියන්නද

ලියවුනේ - 2009/10/23

ප:ලි:

මෙම ඉහත දැක්වෙන චායාරූපය හා මෙම පද පෙල අතර කිසිම ආකාරයක සම්බන්දයක් නොමැති බව කාරුනිකව සලකන්න.

චායාරූපය උපුටා ගත්තේ : http://www.wsws.org/images/2009jul/j17-sril-480.jpg